 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Ti it ses sì
Carià da Bèrto ëd Sèra dël Dum, 17/02/2008 - 21:02.
Tanti agn fa i l'avìa la manìa dë scrive canson. Jer a Turin a l'é mòrt-ie na cita. La cita 'd na person-a ch'a l'ha avù na gran part an mia vita. A l'era nàita tròp prest, tròp cita e a l'ha nen faila. La mari dla cita mòrta a parla nen piemontèis, e mi i son nen bon a esprime 'd sentiment an italian. Am ven-o nen. I peuss dovrelo për fé la descrission d'un diagrama elétrich, ma nen për dì dle ròbe ancreuse. Belavans se i-j lo diso an mia lenga mari chila a lo capirà mai. E anlora i l'hai pensà dë dijlo an mùsica. Bele che a capissa nen le paròle, a capirà 'l rest.
Sòn a l'andrìa cantà ansima a la mùsica d'Avril Lavigne, la canson an original as ciama "I'm with you". An memòria dle mila neuit passà a ij Mur e a lë Studio 2. Ëd tute cole vire che i l'oma fàit tut a l'anvers, an barba a tut e a tuti. I podoma nen dete andré tua cita, ma i soma sì. I soma tuti sì. Col magon an gola, e nen bon a dite lòn ch'i vorerìo dite. Ma i soma sì.
Ti 't ses sì
Bolëtte da paghé
e l'eva da caté
e tut lòn ch'i faroma 'l dì 'd San Mai
e fòra mach la pieuva
e gnanca pì na neuva
ch'a sia bon-a a fé 'd bontemp
I é-lo pa cheidun sì ch'am giuta?
I è-lo pa 'n passagi për cà?
A l'é na neuit da s-giaj
Ëd cole ch'at ësmija tut malfàit
Pijme për la man, men-me via da sì
Mi i sai pa chi ch'it ses ma ti...
Ti it ses sì...
Ti it ses sì...
I vardo 'd deme deuit
Mai ch'am sautèissa a l'euj
La quadra ch'as ës-ciàira nen
Ëd facie a-i në j'é mila
mach tuta na gran fila
ëd gent ch'a-j n'anfà nen ëd mi
I é-lo pa cheidun sì ch'am giuta?
I è-lo pa 'n passagi për cà?
A l'é na neuit da s-giaj
Ëd cole ch'at ësmija tut malfàit
Pijme për la man, men-me via da sì
Mi i sai pa chi ch'it ses ma ti...
Ti it ses sì...
Ti it ses sì...
Ma codì che 'l mond a smija tut dzorsot?
L'é-lo pa che dròlo i sia mi?
A l'é na neuit da s-giaj
Ëd cole ch'at ësmija tut malfàit
Pijme për la man, men-me via da sì
Mi i sai pa chi ch'it ses ma ti...
Ti it ses sì...
Ti it ses sì...
Pijme për la man, men-me via da sì
Mi i sai pa chi ch'it ses ma ti...
Ti it ses sì...
Ti it ses sì...
Pijme për la man, men-me via da sì
Mi i sai pa chi ch'it ses ma ti...
Ti it ses sì...
Ti it ses sì...
Filmin dla version anglèisa original ambelessì: http://it.youtube.com/watch?v=bW2LTnzD-vE se mai cheidun a savèissa nen la mùsica.
Ch'a lassa sò coment ambelessì