Tastadure piemontèise

Cos'é-la mai na tastadura? A l'é col afé coj tast ch'i-i bate ansima për scrive :) An italian a la ciamo tastiera. Un-a dle gran-e sòlite për scrive an piemontèis a l'é ch'a-i van dle litre che ansima a la tastadura italian-a a-i son nen e parej un a l'ha da giresse dzorsota për riesse a scrive fussa che mesa paròla. 

Gnun problema, a-i é na version ëd la tastadura ch'i peule dovré a gràtis për mostreje a vostra tastadura italian-a coma ch'as ëscriv la lenga 'd Giandoja :) A venta mach serne cola ch'av va.

A sconda d'andova ch'i seve, a l'é belfé ch'i l'abie ant sël calcolator ò na tastadura italian-a, ò cola american-a stàndard. A-i é na version dla tastadura piemontèisa për minca un-a dle doe, an manera che tuti a peulo scrive an piemontèis sensa pa sté-lì tant a sagrinesse. A resto le mideme ch'a son distribuìe ant la wikipedia piemontèisa, bele che coma spassi fìsich a sio ospità ambelessì. A son ëd programa lìber, ch'a fa nen da manca dë paghé për podeje dovré. Për dëscariev-je e lese j'istrussion agiornà andé ant sla pàgina a pòsta dla wiki piemontèisa.