Intrada » Ciaciarade » Piemont

Sergi Garuss: Poeti in piemontese della provincia di Alessandria 1861-2010

Carià da Dragonòt dël Vën, 10/02/2012 - 12:20.

E compliment a l'amis Sergi Garuss!
===================================

a.m. [Albina Malerba] da TORINOsette dij 10 ëd fërvé dël 2012

http://www.lastampa.it/_settimanali/torino7/pdf/appuntamenti/default.asp...

I l'avìo già avù ocasion ëd segnalé, un pàira d'ani fa, la tesi 'd laurea 'd Sergio Garuzzo a l'Università del Piemonte Orientale «A. Avogadro» e is fasìo l'auguri che costa tesi a trovèissa n'editor për na publicassion da buté a disposission ëd tuti. Na vòta tant cost'anvìa a l'é fasse realtà. Mersì a l'angage dël Consèj regional dël Piemont e dla Ca dë Studi Piemontèis, cost travaj, slargà, agiornà, risistemà, a l'é dventà un lìber dij pì soagnà për la Colan-a 'd Leteratura Piemontèisa Moderna dël Centro Studi Piemontesi-Ca dë Studi Piemontèis, al n. 17: «Poeti in piemontese della provincia di Alessandria 1861-2010», curà da Sergio Garuzzo, con na pagina 'd Valerio Cattaneo, President dël Consèj Regional dël Piemont, la prefassion ëd Giovanni Tesio, na bela cuvertin-a da un quàder ëd Pietro Morando (colession ëd Palass Lascaris), pp. 430 (chi a fussa anteressà basta ciamé la Ca dë Studi Piemontèis telefonand al nùmer 011/53.74.86). Dësfojand le 430 pagine dl'antologìa, i trovoma, dòp l'introdussion general, na quaranten-a 'd poeta dla provinsa 'd Lissandria, con notissie biografiche e për minca un na cita antologia poetica, con tradussion an italian. Dacant a 'd nòm conossù, coma col d'Umberto Luigi Ronco, 'd Giovanni Rapetti, 'd Cesare Vincobrio, Cino Chiodo, Teresio Malpassuto, i trovoma ‘dcò d'espression e d'esperiense (sitoma chijche nòm: Crispino Jachino, Gian Maria Piccone, Andrea Canestri, José Bernardotti, Sandro Locardi, Gianni Fozzi, Gianni Regalzi, Rossana Ivaldi, Domenico Bisio, Ginevra Bocchio, Lorenzo Magrassi….), magara diseguale, ma tute vos che a concoro a dé n'inmagine 'd Lissandria e dël Monfrà lissandrin, coma teritòri viv, mossant, ch'a peul vagné sò pòst ant la stòria dla leteratura an piemontèis. Doe «Appendici»: una për la produssion an pròsa, con ses autor antologisà; n'àutra «Cenni sulla produzione del Tortonese e nell'Oltregiogo», con l'antologìa e le notissie biografiche 'd tre poeta, Luigi Silvi, Colombo Gajone e Marco Piaggio, ch'a sarìa stàit un darmage lassé fòra. A saro 'l volum un capitol su «Il piemontese della provincia di Alessandria» e la «Bibliografia». Coma a scriv ël President dël Consèj, «La singolarità di questa raccolta, è la riscoperta di una vena letteraria (...) considerata marginale».

‹ «Mireio» ëd Frédéric Mistral NEUVE da TORINOsette dij 10 ëd fërvé dël 2012 ›

Carià da Albina Malerba dël Vën, 10/02/2012 - 13:05.

A l'ha fàit pròpi un gran bel travaj! Albina

-----Messaggio originale-----
Da: dragonot@libero. [mailto:dragonot@libero.it]
Inviato: venerdì 10 febbraio 2012 12.21
A: piemont; piemontviv
Oggetto: [piemont] Sergi Garuss: Poeti in piemontese della provincia di
Alessandria 1861-2010

E compliment a l'amis Sergi Garuss!
===================================

a.m. [Albina Malerba] da TORINOsette dij 10 ëd fërvé dël 2012

http://www.lastampa.it/_settimanali/torino7/pdf/appuntamenti/default.asp...
=6.pdf

I l'avìo già avù ocasion ëd segnalé, un pàira d'ani fa, la tesi 'd laurea 'd
Sergio Garuzzo a l'Università del Piemonte Orientale «A. Avogadro» e is
fasìo l'auguri che costa tesi a trovèissa n'editor për na publicassion da
buté a disposission ëd tuti. Na vòta tant cost'anvìa a l'é fasse realtà.
Mersì a l'angage dël Consèj regional dël Piemont e dla Ca dë Studi
Piemontèis, cost travaj, slargà, agiornà, risistemà, a l'é dventà un lìber
dij pì soagnà për la Colan-a 'd Leteratura Piemontèisa Moderna dël Centro
Studi Piemontesi-Ca dë Studi Piemontèis, al n. 17: «Poeti in piemontese
della provincia di Alessandria 1861-2010», curà da Sergio Garuzzo, con na
pagina 'd Valerio Cattaneo, President dël Consèj Regional dël Piemont, la
prefassion ëd Giovanni Tesio, na bela cuvertin-a da un quàder ëd Pietro
Morando (colession ëd Palass Lascaris), pp. 430 (chi a fussa anteressà basta
ciamé la Ca dë Studi Piemontèis telefonand al nùmer 011/53.74.86). Dësfojand
le 430 pagine dl'antologìa, i trovoma, dòp l'introdussion general, na
quaranten-a 'd poeta dla provinsa 'd Lissandria, con notissie biografiche e
për minca un na cita antologia poetica, con tradussion an italian. Dacant a
'd nòm conossù, coma col d'Umberto Luigi Ronco, 'd Giovanni Rapetti, 'd
Cesare Vincobrio, Cino Chiodo, Teresio Malpassuto, i trovoma ‘dcò
d'espression e d'esperiense (sitoma chijche nòm: Crispino Jachino, Gian
Maria Piccone, Andrea Canestri, José Bernardotti, Sandro Locardi, Gianni
Fozzi, Gianni Regalzi, Rossana Ivaldi, Domenico Bisio, Ginevra Bocchio,
Lorenzo Magrassi….), magara diseguale, ma tute vos che a concoro a dé
n'inmagine 'd Lissandria e dël Monfrà lissandrin, coma teritòri viv,
mossant, ch'a peul vagné sò pòst ant la stòria dla leteratura an piemontèis.
Doe «Appendici»: una për la produssion an pròsa, con ses autor antologisà;
n'àutra «Cenni sulla produzione del Tortonese e nell'Oltregiogo», con
l'antologìa e le notissie biografiche 'd tre poeta, Luigi Silvi, Colombo
Gajone e Marco Piaggio, ch'a sarìa stàit un darmage lassé fòra. A saro 'l
volum un capitol su «Il piemontese della provincia di Alessandria» e la
«Bibliografia». Coma a scriv ël President dël Consèj, «La singolarità di
questa raccolta, è la riscoperta di una vena letteraria (...) considerata
marginale».