PMS-1: La television an piemontèis

Bondì! PMS-1 a l'é nàita mach col but limità dë coaté j'event ëd la Festa dël Piemont ch'a fa 41. Già parej an ësmijava na ròba titànica, ëd cole da pijesse pau mach a penseje. E an efet ëd camise i l'oma sudane, antra tuti. Lòn a l'ha mnane a pensé ch'i sarìo dij ciola a campé via tut ës travajon ch'i l'oma fasse, e quindi PMS-1 a sarerà NEN passa-ie la Festa. E anlora, però, i l'oma da manca dl'agiut ëd tuti.

Antant i l'oma da manca che in giute a fé giré 'l canal ën piassand-lo dadsà e dadlà për la Ragnà. I l'eve mach da tracopieve 'l còdes HTML ch'a-i é ant ël quàder ambelessì dzora e butevlo ansima a vòstre pàgine.

Peuj... peuj i l'oma da manca ëd girà, visadì ëd curt tòch ëd video. Sbaruveve pa, che al dì d'ancheuj a son ròbe che qualsëssìa màchina digital av fa. Se i seve ant la nita con la question técnica ciamene pura, che na quadra i la trovoma.

Dontre cit consej técnich

1. la web-TV a l'ha soe gran-e. Se i travaje ën lassand la càmera fissa as ës-ciàira tant mej, ij moviment ampressa a-j piaso motobin pòch.
2. coma argoment an serv tut, sempe mach a condission che a sia an piemontèis. Da le barzlëtte a lë spòrt, ën passand për cors e conferense ò gire për ij musé (vardé sempe mach che a-i sio gnun-e gran-e coi drit d'autor, se i bute nen ëd mùsica i seve pì sigur).
3. av conven nen fé dle ròbe pì longhe che 5 minute a pr'un, che a mandeje për pòsta dësnò i ven-e vej :)
   4) amzure (se i capisse nen lòn ch'a son... freghev-ne e mandene lòn ch'a ven):
   • Bitrate video nen pì che 512 kbps
   • Quàder 480x360 an 4:3 ò pura 480x270 an 16:9
   • Quàder al second: 15 fps
   • Audio Mòno, nen pì che 64Kbs
4.  Për risparmié temp, salute e banda... a-i la manera ëd pronté la ròba an automàtich. Contatene për ij detaj.
5. A costa NEN. Gavà 'l temp e la veuja.

ma l'èst Chacho Marquel, mé amis, a homa cantat lh'euve a'l Casalde Cermel la Pasqua passada
salutem-lo
memo di peroti
de caveriat