 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
PMS-1: la bin-mostranta
Carià da Bèrto ëd Sèra dël Dum, 20/04/2008 - 22:30.
Bondì!dapress a tant travaj a l'ha dorbù la television ëd la Festa dël Piemont. http://pms.i-iter.org/contn%C3%B9/pms-1-la-television-piemont%C3%A8
i l'oma da manca ëd tante registrassion video da tut ël Piemont. Ròba curta, da dontre minute, màssim 5-10. Ròba che an fasa vëdde vej e masnà, gent ch'as la fa bin e gent ch'a la travaja. Ròba che an fasa sentì e vëdde le mila varieta dël piemontèis.
An va bin tut. Da la ròba coltural a le barzlëtte. Vardé mach dë nen violé ij drit c'autor che i l'oma la giusta ch'a në sta a còl...Ant lë vnì a-i sarà 'cò un pms-2 che a manda còse pì seriose, coma conferense e ròba varia, ma për adess i l'oma tut nòstr travaj ad ampinine un ëd canal...
Bèrto
PMS-1: la bin-mostranta
Cit agiornament ant sla bin-mostranta... ëd la serie... mah... da nen chërde :)Dapress a mach un dì ëd programassion i soma antra ij canaj pì vardà ansima a Glomera... Vardé për chërde: http://www.glomera.it/network_tv.php
Mej che 'l canal ëd mòda ëd Jo Squillo... mah... mach un dùbit: che i soma nojàutri ch'i andoma bin, ò j'àutri ch'a van mal? :) Comsëssìa, 50 spetator mach ël prim dì, e sensa gnun-a reclam particolar (i l'heu mach ëscrivulo ambelessì).
Ël gròss dël tràfich a l'é col dl'orari ëd travaj, dzortut ant ël mesdì, e peuj vàire a rivo 'cò la neuit, fin anvers a mesaneuit. Ëd pùblich për ël piemontèis a-i në j'é. Miraco për adess a-i sarà 'nco' nen vàire asiende ch'a lo capisso, ma 'l pùblich a-i é. E a l'é na gran bon-a neuva.
Bèrto
Ch'a lassa sò coment ambelessì