NEUVE dal Vënner ëd La Stampa dël 29 ëd gené dël 2010

Messagi da dragonot\@libero\.

TURIN.
Ant la sede dl'Associassion Nòste Rèis, piassa Savója 2/d, vënner 29 'd gené, a 9 ore 'd sèira, la companìa «Ij farfoj» a presento la comedia «Improvisament ant sël moment bon...», na tradussion 'd Franco Farinelli. Antan an sede a van anans ij cors ëd Piemontèis soagnà da Nòste Rèis, ch'as ten-o tuti ij mèrcol, da 4 e mesa a 6 mesa dël dóp disné. Anformassion: 011/52172.86 (info@nostereis.org).

TURIN.
Vënner 29 'd gené, a 3 bòt e mes dël dòp disné, fin-a a 5 e mesa, për ël Cors ëd lenga e literatura piemontèisa dl'Unitre, lession ëd Sergio Notario, ant la sede dl'Associassion Gioventura Piemontèisa, via San Second 7 bis. Për d'àutre anformassion: 011/434.24.50.

TURIN.
A la Biblioteca dël Consèj Regional, via Confienza 14, a l’é possìbil visité la mostra «Suggestioni medievali in Piemonte: luci e colori nei castelli di Enrico Gonin». Për d'àutre anformassion: tel. 011/575.73.71.

TURIN.
Giòbia 4 ëd fervè, a tre bòt e mes, a la Famija Turinèisa, contrà 'd Pò 43, për ël Cors ch'a fa XXX ëd lenga e coltura piemontèisa, lession ëd Giovanni Mussotto. Për d'àutre anformassion: tel. 011/817.81.08 (famijaturineisa@tiscali.it).

TURIN.
Soagnà da Gioventura Piemontèisa, con la Region Piemont a van anans ij Cors an piemontèis an sede, contrà 'd San Second 7 bis e tuti ij giòbia, da 4 e mesa a 6 e mesa dël dòp disné, la sconda part dël cors d'art dramàtica an lenga piemontèisa, tnù da Pier Giorgio Gili. Antant sempe për inissiativa 'd Gioventura Piemontèisa a van anans ëdcò ij cors ëd lenga piemontèisa a Pissin-a, ant la Sala dël Consèj Comunal, tuti ij vënner da 20 e 45 a 22 e 30, con ël prof. Ernesto Chiesa; e a Cassinëtte d'Ivreja, al Centro Cultural Grotta (via Roma 2 b), tuti ij vënner a l'istessa ora, con Umberto Maria Gillio. Për d'àutre anformassion basta telefoné al nùmer 011/764.0228 (giovpiem@yahoo.it). Tuti ij tilèt dij cors an tut ël Piemont as treuvo sël sit (www.gioventurapiemonteisa.net).

MONCALE’.
Lun-ès 1 ëd fervè, da 3 bòt e mes dël dòp disné fin-a a 5 mesa, a l'Unitré, via Real Colegi 20, lession ëd Sergio Notario për ël cors ëd lenga e literatura piemontèisa. Për d'àutre anformassion basta telefoné al nùmer 011/64.47.71.

SANTANTONIN (SUSA).
Giòbia 4 ëd fervè, an Biblioteca prima lession dël Cors ëd piemontèis soagnà da la Ca dë Studi Piemontèis ëd Turin con l'Unitré dël pòst. Për d'àutre anformassion basta telefoné al nùmer 011/53.74.86 (mail: info@studipiemontesi.it}.

CONCORS.
L'Associassion Amis ëd Piassa 'd Mondvl a l'ha spatarà la crijà për ël Concors «Salutme 'l Mòro», un dij pi prestigios e antich premi dla region. A venta mandé la poesia për la fin ëd gené. Ciamé tute le 'nformassion al nùmer 0174/554.55 {amicidipiazza@alice.it).