Intrada

NEUVE dal Vënner ëd La Stampa dël 28 ëd novèmber dël 2008

Carià da Dragonòt dël Vën, 28/11/2008 - 06:00.

TURIN.
Saba 29 ‘d novèmber, a 5 ore dël dòp disné, a l'Educatorio dla Divin-a Providensa, an Biblioteca, cors Trento 13, soagnà dal Teatro Zeta, ancontr con la Poesia 'd Bianca Dorato. A na parlo Albina Malerba, Giovanni Tesio, Valentina Mansone; leture 'd Rosanna Galleggiante; mùsiche 'd Mauro Cavagliato. Anformassion: tel. 339/678.98.15.
 
TURIN.
Lùn-es 1 dë dzèmber, a 5 e mesa dël dòp disné, an Palass Cisterna, Sala dij Consié dla Provincia 'd Turin, via Maria Vittoria 12, presentassion dël lìber ëd poesie 'd Tavo Burat, « Poesie », publicà da la Ca dë Studi Piemontèis. Dòp ël salut dël President dla Provincia Antonio Saitta, con l'autor a na parlo Valter Giuliano, Sergio M. Gilardino, Albina Malerba, Giovanni Tesio. A lesrà Fulvia Roggero.
 
TURIN.
La Companìa teatral Alpini Borgata Parella «Ernesto Ollino », a organisa la rassegna 'd Teatro piemontèis «Sipario» ch'a fa 6: vënner 28 ëd novèmber, a 9 ore 'd sèira al Teatro Parrocchia Divina Provvidenza, via Salbertrand, ël randevò a l’é con la companìa Ernesto Ollino Alpini Borgata Parella ch'a presenta la comedia « Busie, gelosìa e pastiss d'amor», doi at còmich 'd Livio Gentile. Replica 'l 29, 14 e '15 dë dzèmber. Anformassion : 011/776.47.44.
 
TURIN.
Vënner 28 'd novèmber da 3 bòt e mes a 5 e mesa dël dòp disné, lession dël Cors ëd Lenga e literatura piemontèisa dl'Unitré, a l'Educatòrio dla Divin-a Providensa, cors Trento 13, soagnà da Sergio Notario. Anformassion : 011/434.24.50.
 
TURIN.
Saba 29 'd novèmber, a 5 ore dël dòp disné, al Centro Incontro 'd cors Belgio 91 (ex tramvieri), presentassion del lìber ëd Gian Enrico Ferraris, «Il Borgo si racconta. Vanchiglia, Vanchiglietta e Borgh dël fum», publicà da Graphot.
 
TURIN.
Màrtes 2 dë dzèmber, a 5 ore dël dòp disné, a la Ca dë Studi Piemontèis, via Revel 15, lession dël prof. Giuliano Gasca Queirazza. Anformassion: tel. 011/53.74.86.
 
PIANËSSA.
Giòbia 4 dë dzèmber, a 9 ore dla sèira, la sitadin-a 'd Pianëssa a arcorderà la figura e l'euvra dël sò sitadin Remo Bertodatti ant ij locaj ëd la Biblioteca Comunal ëd via Matteotti 3.
 
MONCALÉ.
Giòbia 4 dë dzèmber, da 3 bòt a 4 e mesa dël dòp disné, an via Real Colegi 20, lession dël Cors ëd lenga e literatura piemontèisa dl'Unitré soagnà da Sergio Notario.