NEUVE dal Vënner ëd La Stampa dël 22 ëd fërvé dël 2008

TURIN. A l'Alfa Teatro, via Casalborgon 16/1,
vënner 22 e saba 23, a 8 e 45 'd sèira, e duminica 24, a 4 ore dël dòp disné, la
Companìa Marionette Grilli a presenta lë spetàcol «Giandoja e l'assedio di
Torino dël 1706», con le marionette d'Augusto Grilli, an italian e an
piemontèis, regìa d'Augusto Grilli, part sonòre soagnà da Mario Brusa.
Anformassion: 011/81935.29.
 
TURIN. Vënner 22 ëd fervè, al Teatro Alfieri, a
1 bòt meno 'd quart, ùltima replica dlë spetàcol, «Vivroma doman», adatament an
piemontèis dl'Alfatre Teatro da «Classe di ferro» 'd Nicolaj; regia 'd Maria
Grazia Monticone, con Giovanni Mussotto. Bruno Monticne e Rita Pellegrinelli.
Anformassion e prenotassion: 011/56238.00.
 
TURIN. Soagnà da l' Associassion Nòste Rèis an
soa sede 'd piassa Savòja 2/d, vënner 22 ëd fervè, a 9 ore 'd sèira, recital ëd
Roberto Balocco, «Canson e tradission» dal 1600 a le canson dla piòla.
Anformassion e prenotassion: 011/521.72.86 (info@nostereis.org).
 
TURIN. Saba 23 ëd fervè, a 4 ore dël dòp disné,
a l'Associassion Piemontèisa, via Vanchija 6, Massimo Centini a ten na
ciaciarada su «Magia e medicina popolare in Piemonte». Anformassion:
011/812.74.11.
 
TURIN. Màrtes 26 'd fervè, a la Ca dë Studi
Piemontèis, an via Ottavio Revel 15, lession dël cors ëd lenga piemontèisa dël
prof. Giuliano Gasca Queirazza, «Problemi di grammatica storica. Le canzoni di
P. Ignazio Isler: lettura e commento linguistico», da 5 a 6 e mesa dël dòp
disné. Anformassion: 011/53.74.86 (info@studipiemontesi.it).

 
MONCALÉ. Al Teatro Matteotti, via Matteotti 1,
për la Rassegna 'd Teatro an lenga piemontèisa ch'a fa vint, saba 23 ëd fervè, a
9 ore 'd sèira la Companìa Siparietto di San Matteo 'd Moncalé, a presenta la
comedia «L'hai falo për amor», 3 at còmich ëd Secondo Trivero. Anformassion e
prenotassion: 340/252.11.72.
 
CONCORS. La Pro Loco 'd Canal, con la tùa dla
Region e dla Provinsa 'd Coni, e 'd vàire istitussion, Ca dë Studi Piemontèis,
Companìa dij Brande, la Slòira, Piemontèis ancheuj, Union Associassion
piemontèise ant ël mond, a l'ha publicà la crija dla tersa edission dël Concors
literari «Arzigh», antitolà a la memòria 'd Silvio Faccenda, poeta e scritor ëd
Canal mancà dël 2005. Ël concors a l'ha doe session: pròsa e poesia an lenga
piemontèisa, a tema lìber. A-i é peui na categorìa riservà a lë scòle për travaj
gràfich, poesie, pròse, arserche, conte. Për avèj la crijà completa basta ciamé
'l nùmer 0173/97.82.23 (e-mail: premio-faccenda@virgilio.it).