 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
NEUVE dal Vënner ëd La Stampa dël 21 ëd novèmber dël 2008
Carià da Dragonòt dël Vën, 21/11/2008 - 06:00.
TURIN.
La Companìa teatral Alpini Borgata Parella «Ernesto Ollino», a organisa la rassegna 'd Teatro piemontèis «Sipario» ch'a fa 6: vënner 21 ëd novèmber, a 9 ore 'd sèira al Teatro Parrocchia Divina Provvidenza, via Salbertrand al canton con via Asinari di Bernezzo, ‘l randevò a l’é con la compania Teatral Carla
5 ëd Turin ch'a presenta la comedia «Giromin a veul mariesse», tre at còmich 'd Dino Belmondo. Anformassion: 011/776.47.44.
TURIN.
Saba 22 ëd novèmber, a 6 ore dël dòp disné, e peui replica a 9 ore 'd sèira, ant l'Aula Magna d'Anatomia, cors Massimo d'Azeglio 52, ël Museo d'Anatomia «Luigi Rolando» e ‘l Museo dla Fruta «Garnier Valletti» a organiso l'«Autopsia di un telefono»: lession pùblica 'd Vittorio Marchis, con Vittorio Marchis, Gianluca Gambino, Vittorio Monasterolo, figure d'Ernaldo Data, an colaborassion con ‘l Festival delle Colline Torinesi. As paga gnente, ma a venta prenotesse e as peul intresse mach fin ch'a-i son ëd pòst: tel. 011/67.07.77.
TURIN.
A 160 ani da la nassita (Moncalé 20 'd novèmber 1848-Pancalé 30 dë dzèmber 1913), e 10 ani da la beatificassion (24 ëd magg dël 1998) 'l Beato Giovanni Maria Boccardo, a sarà arcordà con na celebrassion saba 22 ëd novèmber a 5 ore dël dòp disné, ant ël Santuari 'd Cristo Re, Lungo Dora Napoli 76. Anformassion: 011/85.15.67.
TURIN.
Màrtes 25 ëd novèmber, a 5 ore dël dòp disné, a la Ca dë Studi Piemontèis, via Revel 15, lession dël prof. Giuliano Gasca Queirazza: «La Torino del Seicento nella sua parlata: rassegna di oggetti domestici e di strumenti di attività nella Canson pr ‘l tramué d'San Michel; e Scene di vita cittadina e satira sociale nella commedia 'L cont Piolet». Për d'àutre anformassion: tel. 011/53.74.86.
CONCORS.
Soagnà dal Comitato Cittadino për il Centro Storico di Alpignano, con la tua dla Region Piemont e dla Comun-a d'Alpignan, a l’é surtìe la crija 2009 dël «Premio Letterario Alberto Tallone», con na session riservà a la poesia e a la pròsa an piemontèis. Për ciamé ‘l test complet con ël regolament: tel. 011/966.48.47.
CONCORS.
Ultime di për partecipé al Concors organisà da la Comun-a 'd Castelalfé, an colaborassion con Luciano Ravizza, ch'a l'ha për tema «Farse», «burle», «facessie», an piemontèis e an italian. Për ciamé la crija basta scrive (luciano.ravizza@alice.it). A-i é mach pì temp fin-a al 28 ëd novèmber.
Ch'a lassa sò coment ambelessì