NEUVE dal Vënner ëd La Stampa dël 19 dë stèmber dël 2008

TURIN.
Saba
20 dë stèmber, a 4 ore del dòp disné, an piassa San Carlo, pòrti 'd levant, as
ten la comemorassion dij màrtir dë stèmber, ij sitadin massà ai 21 e 22 dël 1864
ant le piasse Castel e S. Carlo për avèj pià part a la manifestassion popolar ëd
protesta contra 'l trasferiment dla Capital a Firense. Dòp la manifestasion,
ch'as ten 'dnans a la targa comemorativa fàita buté da la Comun-a a 135 ani da
cola strage, ant la sede dl'associassion Nòste Rèis, piassa Savòja 2/d, për na
mostra e na riflession sl'argoment. Për d'èutre anformassion: 011/52172.86
(info@nostereis.org).

 
TURIN.
Dumìnica 21 dë stèmber, a 11 ore dla matin e a 4 ore del dòp
disné, la Segreteria dij Servizi Turistici e Culturali dla Basilica 'd Superga,
a organisa 'd visite guidà an lenga piemontèisa a le Tombe Reaj dij Savòja.
Anformassion: 011/899.74.56 (prenotazioni@basilicadisuperga.com).
 
SETO.

Vënner 19 dë stèmber, a 9 ore 'd sèira, al Teatro Garibaldi,
via Garibaldi 4, 'l Gruppo Ricerche Etnografiche Settimesi, l'Associassion
Coltural Due Fiumi "Poesia Vagabonda», e la Sità 'd Seto, a soagno na sèira ëd
poesia piemontèisa, për presenté 'l lìber «L’Éira d'Amar Settimo Torinese nelle
poesie di Salvatore Viviani». Leture 'd Mario Brusa e Manuela Massarenti; canson
e mùsiche con «Le vos grise an libertà»; antèrvent d'Albina Malerba e 'd Paolo
Silvetti ch'a l'ha soagnà l'euvra.
 
CUNICO (AST).
Ant
ël Salon dla Comun-a, saba 20 dë stèmber, a 5 ore dël dòp disné, për inissiativa
dl'Aministrassion Comunal as ten la cerimònia 'd consegna del «Premio
Protagonisti della Cultura Popolare», antitolà a Emanuele Pastrone, che a ven
assegnà për la prima vòlta. Premià a l’é 'l regista e scritor Massimo Scaglione.
An ocasion dla consigna dël Premi as ten n'ancontr sël tema «Valori attuali
della cultura popolare»: ansema a Scaglione a partecipo Pier Carlo Grimaldi,
Luciano Mattino, Aldo Pasquero, Fulvia Roggero e Michele Bonavero. A la sèira, a
9 ore, a la Cascina del Prete, lë spetàcol «Sfojé e conté. Rito antico di
spannocchiatura conte e canson» con la Compania «La cioenda e j'arliquato».
Anformassion: 0141/90.65.02 (cunico@reteunitaria.piemonte.it).
 
CONCORS.
Con
la tua dla Provincia d'Ast, a l’é surtìa la crija dël concors literari «Vittorio
Alfieri», con na session riservà a la poesìa an piemontèis. Anformassion:
0141/20.86.27 (poesiavitavittoriabruno@virgilio.it}.