 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
NEUVE dal Vënner ëd La Stampa dël 18 ëd gené dël 2008
Carià da Dragonòt dël Sab, 19/01/2008 - 14:01.
TURIN. A van anans le manifestassion
dl'Associassion Piemontèisa, ant soa sede, Palass Birago di Vische 'd via
Vanchija 6, saba 19 'd gene, a 4 ore dël dòp disné, recital ëd Roberto Balocco,
«Për le piòle, le cort e le stra». Për d'autre anformassion:
011/812.74.11.
TURIN. Giòbia 24 ëd gené, a 4 ore dël dòp
disné, ant ël Salon Viglion dël Consèj Regional dël Pìemont, Palass Lascaris,
via Alfieri 15, l'Associassion Piemontèisa a soagna la sirimònia dla consegna
dij Premi San Gioann 2007 a: Roberto Balocco, Lorenzo Capusotti, Sergio
Gilardino, Guido Rimonda, Maria Luisa Tibone. A consëgnrà ij premi 'l President
dël Consèj Davide Ganglio. Për d'autre anformassion: 011/812.74.11.
TURIN. Vënner 18 'd gené, da 3 bòt e mes a 5 e
mesa dël dòp disné, për ël Cors ëd Lenga e literatura piemontèisa dl'Unitré, a
l'Educatòrio dla Divin-a Providensa, cors Trento 13, lession ëd Sergio Notario.
Anformassion: 011/64.4771.
TURIN. Màrtes 22 'd gené, a la Ca dë Studi
Piemontèis, an via Ottavio Revel 15, lession dël cors ëd lenga piemontèisa dël
prof. Giuliano Gasca Queirazza da 5 a 6 e mesa dël dòp disné. Anformassion:
011/53.74.86 (info@studipiemontesi.it).
TURIN. Soagnà da l'Associassion Nòste Rèis e da
la Circoscrission 1, as ten tuti ij martes, ant la sede dl'associassion an
piassa Savòja 2/d, da 4 a 6 ore dël dòp disné 'l Cors 'd lenga, coltura e stòria
dël Piemont; mentre an colaborassion con la Circoscrission 7, an cors Casal 212,
as ten ël cors tuti ij lùn-es, da 9 a 11 ëd sèira. Anformassion e prenotassion:
011/521.72.86.
TURIN. Giòbia 24 ëd gene, da 3 bòt a 5 e mesa
dël dòp disné a la Famija Turinèisa, an contrà 'd Pò 43, lession dël Cors ëd
Lenga e Coltura Piemontèisa soagnà da Giovanni Mussotto. Anformassion: tel.
011/817.81.08.
SAN BASTIAN. Soagnà dal Circol Coltural ëd San
Sebastiano da Pò, saba 19 ëd gené, a 9 ore 'd sèira, al Centro Pastorale, via
Civass 45, la Companìa Sal e pèiver ëd Rivàuta a presenta la comedia «Una sposa
a tira l'autra», 2 at ëd Farassino e Scaglione. Anformassion:
011/919.14.32.
CONCORS. Arcordoma che për inissiativa dël
Comità Sitadin për ël Centro Stòrich d'Alpignan, con la tua dla Comun-a e dla
Region Piemont, a lé surtìe la crija dël «VII Premio Letterario Alberto
Tallone», edission 2008, con na session riservà a la poesìa an piemontèis. A-i é
mach pì temp fin-a al 15 fervè 2008. Për d'autre anformassion basta telefoné al
nùmer 011/96797.80; 011/966.48.47.
CONCORS. L'Associassion Coltural «Nòst Piemont»
ëd Civass, con la colaborassion dla Comun-a e dla Region a organisa la sconda
edission dël Premi Leterari «Fërvaje 'd literatura» për poesie e pròse an lenga
piemontèisa e an lenga italian-a. Ciamé la crija al tel.
348/660.05.18.
CONCORS. La Pro Loco 'd Canal, con la tua dla
Region e dla Provinsa 'd Coni, e 'd vàire istitussion, Ca dë Studi Piemontèis,
Compania dij Brande, la Slòira, Piemontèis ancheuj, Union
Associassion piemontèise ant ël mond, a l'ha
publicà la crija dla tersa edission dël Concors literari «Arzigh», antitolà a la
memoria 'd Silvio Faccenda, poeta 'd Canal. Ël concors a l'ha doe session: pròsa
e poesia an lenga piemontèisa, a tema lìber. A-i é peui na categorìa riservà a
le scòle për travaj gràfich, poesìe, pròse, arserche, conte, ecc... Për avèj la
crija completa ciamé 'l 0173/97.82.23.
Ch'a lassa sò coment ambelessì