 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
NEUVE dal Vënner ëd La Stampa dël 10 d'otóber dël 2008
Carià da Dragonòt dël Sab, 11/10/2008 - 17:00.
TURIN.
Vënner 10 d'otober, a 9 ore 'd sèira, ant la sede
dl'Associassion Nòste Rèis, an piassa Savòja 2/d, Giovanni Delfino e Giuseppe
Goria a ten-o na conferensa, con projession ëd diapositive su Luigi Armando
Olivero, për d'àutre anformassion: tel. 011/521.72.86 (info@nostereis.org).
TURIN.
Vënner 10 d'otober a 6 ore dël dóp disné, al Circolo dei
Lettori, via Bogin 9, për le manifestassion organisà për arcordé ij 50 ani 'd
vita e d atività dla Compania Il Teatro delle Dieci as ten n'ancontr su «Nuove
drammaturgie: percorsi a confronto tra ieri e oggi»; sempe 'l 10 ma al Teatro
Gobetti e a 8 e mesa 'd sèira, ancontr su «Il Teatro delle Dieci e la
drammaturgia piemontese da G.G. Alione ai giorni nostri». Dòp a 9 e mesa a va 'n
sena ia comedia «Come 'n vòl ëd farfalin-e» 'd Michele Bonavero, regia 'd
Massimo Scaglione. Për d'àutre anformassion: tel. 347/785.14.94 (www.teatrodelledieci.it).
TURIN.
Mèrcol 15 d'otober, a 5 ore dël dòp disné, ant la sede ex
Fergat, via Millio 20, sala congress, as ten 'l prim ancontr soagnà da
l'Associassion Cultural Francoprovenzale di Puglia an Piemont Marco Rey, «Vita
sulle nostre montagne e agriturismo Franco provenzale». Anformassion:
011/314.10.43.
TURIN.
Giòbia 16 d'otober, a tre bòt e mes, a la Famija Turinèisa,
contrà 'd Pò 43 për ël Cors ëd lenga e coltura piemontèisa lession ëd Giovanni
Mussotto. Anformassion: tel. 011/817.81.08 (famijaturineisa@tiscali.it).
CASELE.
Saba
11 d'otober, an sala F.lli Cervi, via Mazzini 60. as ten la «Giornà 'd Piemontèis
Ancheuj», con cost programa: a 10 e mesa dla matin, Piergiuseppe Menietti a
presenta la conferensa «Si i soma e si restoma!» notissie e drolarie an sël
monument a Vittorio Emanuele II 'd Turin; a 11 e un quart Santa Messa an
piemontèis dedicà a Roberto Marra, Remo Bertodatti e a tuti j'amis piemontèis
ch'a l'han lassane; a mes bòt disné dj' amis ëd Piemontèis Ancheuj; a 3 bòt
Cerimònia 'd premiassion dij Concors 2008. Për d'àutre anformassion e për le
prenotassion: 011/223.81.12
BUSCA.
Duminica 12 d'otober, a 4 e mesa dël dòp disné, al Castel dël
Roccolo, për la rassegna «Flatus vocis» soagnà da Giovanni Tesio për
l'Associassion Marcovaldo, ancontr con ij poeta Franco Loi e Remigio Bertolino.
Për d'àutre anformassion: 800/32.93.29 (info@marcovaldo.it).
Ch'a lassa sò coment ambelessì