NEUVE dal Vënner ëd La Stampa dë 25 d'avril dël 2008

TURIN.
Lùn-es 28 d'avril a 5 ore dël dòp disné, a la Biblioteca Civica Villa Amoretti, cors Orbassan 200, për l'edission ch'a fa ondes dël cors «Il piemontese. Gli scrittori, le opere, i luoghi, le parole», soagnà da la Ca dë Studi Piemontèis e da la Region Piemont, ùltima lession con Sergio Gilardino, «La bella scuola: la rinascenza lirica in Piemonte»; sempe 'l 28 a Susa, ant la sede dl'Unitre, cors Union Sovietica 18, Michele Bonavero, «Parole nostre: leggere, parlare, scriv­re»; ‘l 28, a Ciriè, da 4 a 6 ore, a la Fondassion Istituto Troglia, via Cibrari 14, Censin Pich, «Parole nostre: leggere, parlare, scrivere»; ‘l 28 a Priocca, Antonina Galvagno, «Travaj 'd na vota»; ‘l 28 an Aich, Scòla Saracco, via XX Settembre 20, Sergio Garuzzo, «Parole nostre: leggere, parlare, scrivere». Për d'àutre anformassion opurament për avèj ij programa complet e për savèj 'd pì su tuti ij pòst dël cors, basta telefoné al nùmer: 011/537486 opurament scrive n'e-mail (info@studipiemontesi.it).

TURIN.
Màrtes 29 d'avril, a la Ca dë Studi Piemontèis, an via Ottavio Revel 15, lession dël cors ëd lenga piemontèisa dël prof. Giuliano Gasca Queirazza, «Problemi di grammatica storica. Le canzoni di P. Ignazio Isler; lettura e commento linguistico», da 5 a 6 e mesa dël dòp disné. Për d'àutre anformassion, basta telefoné al nùmer: 011/5374.86 opurament scrive n'e-mail (info@studipiemontesi.it).

GIAVEN.
Tuti ij vënner, da 8 e 45 a 22 e 30, ant la Sala dla Gionta dla Comun-a, cors ëd lenga piemontèisa soagnà dal prof. Riccardo Grazzi, për inissiativa 'd Gioventura Piemontèisa, dla Comun-a e dla Region Piemont. Sempre organisà da Gioventura Piemontèisa, a Brion, Via dla Tor, ant la Ca dla Paròchia Santa Maria dla Spin-a, tuti ij mèrcol, lession dla prof. Vittoria Rollé, da 8 e 45 a 22.45. Për d'àutre anformassion e për tute le informassion dl'atività 'd Gioventura Piemontèisa, basta telefoné al nùmer: 011/76402.28 opurament scrive n'e-mail (giovpiem@yahoo.it).

CONCORS.
Con la tua dla Comun-a 'd Ròd, dla Provincia 'd Coni e dla Region, l'associassion coltural «Premio Roddi», a pùblica la crija dël Concors ëd Poesìa 2008, an lenga piemontèisa e an lenga italian-a. A-i é temp fin-a al 15 ëd magg, për ciamé ‘l test complet dël regolament ëd cost premi ch'a l'ha na cita ma bela stòria a le soe spale, basta scrive n'e-mail (premioroddi@tiscali.it).

CONCORS.
L'Associassion Coltural «Piemont dev vive» 'd Coni a organisa ël prim Concors ëd Poesia 'n Lenga Piemontèisa an memòria dël sò President Renato Canini, an doe session a tema lìber, e poesia dròla o grignòira. A-i é temp fin-a al 15 ëd luj. Për tute j'àutre anformassìon, basta ciamé la crija completa al 0171/68.20.38.

CONCORS.
La Pro Loco 'd Canal, con la tua dla Region e dla Provinsa 'd Coni, e 'd vàire istitussion, Ca dë Studi Piemontèis, Companìa dij Brandé, la Slòira, Piemontèis ancheuj, Union Associassion piemontèise ant ël mond, a l'ha publicà la crija dla tersa edission dël Concors literari «Arzigh», antitolà a la memòria 'd Silvio Faccenda, poeta e scritor ëd Canal mancà dël 2005. Ël concors a l'ha doe session: pròsa e poesia an lenga piemontèisa, a tema lìber. A-i é peui na categorìa riservà a le scòle për travaj gràfich, poesìe, pròse, arserche, conte, ecc... për avèj la crijà completa basta ciamé ‘l nùmer 0173/97.82.23; opurament mandé n'e-mail (premiofaccenda@virgilio.it).

CONCORS.
L'Associassion Coltural «Nòst Piemont» ëd Civass, con la colaborassion dla Comun-a e dla Region a organisa la sconda edission dël Premi Leterari «Fërvaje 'd literatura» për poesie e pròse an lenga piemontèisa e an lenga italian-a. Ciamé la crija al tel. 348/660.05.18; opurament mandé n'e-mail (nostpiemont@libero.it).