Intrada » I-ITER: neuve dl'edission piemontèisa

L'autor an person-a

Carià da Bèrto ëd Sèra dël Giò, 20/12/2007 - 19:21.
L'autor an person-a

Chiel-sì i son mi, l'ani passà. A l'é dura da chërde për un ch;a sta 'n Piemont, i lo sai, ma le sità soviétiche soèns a son fàite tut anviron a 'n parch, parej ch'it ses an centro e at ësmija d'esse 'n campagna. Kiev, an particolar, an mes a l'ha Dniepr, ch'a l'é 'n gran fium. An sità a l'é strèit, s'as peul disse "strèit" d'un fium largh doj chilòmetr, con antrames n'ìsola e na fermà dël metrò... Ansima a st'ìsola, d'anvern, nojàutri andoma a sghijé. Is pijoma la metropolitan-a fin-a ant sl'ìsola, i caloma giù, is butoma ij si e via ch'i 'ndoma. Coma posission an sità a sarìa tan-me dì che al pòst ëd piassa castel a-i sio 10 parch dël Valentin... Quand i l'oma fàit sta fòto a fasìa càud... 28 sota zero I j'ero pijasse dapress ël gas për fesse na tassa 'd the càud, mach ch'a l'ha gelan-lo, nòstr gas... Comsëssìa, 28 sota zero ambelessì as conta nen coma frèid. Frèid a l'é -35, ma a -35 d'antëcà it seurte nen ma gnanca... 


Carià da Utent anònim dël Sab, 29/12/2007 - 14:58.

...ma a l'ha conòss Svetlana kokoskina? As i serco l'adressa mail e peui j lo dago né!

Bèrto ëd Sèra's picture

Carià da Bèrto ëd Sèra dël Sab, 29/12/2007 - 16:08.

È, ch'am lo daga ch'am fa piasì, ch'a lo buta mach nen ant un coment pùblich, che pòvra fija peuj as treuva an casela tuta la reclam dël mond :) Ch'a vada ansima a la pàgina dla Redassion e ch'am lo manda d'ambelelì :) Mersì!