 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
A l'é na-ie Marìa Catlin-a
Carià da Bèrto ëd Sèra dël Màr, 22/01/2008 - 20:58.
Missignor che giacà caté na masnà :) Comsëssìa, a l'é fàita. Marìa Catlin-a a la sta bin, nojàutri i l'avrìo miraco da manca d'andé an ferie dontre mèis për arpijesse, ma... as peul nen :)
I son content. I chërdìo ch'a podèissa ess-ie da manca dë fé 'l cesareo, ma a l'é 'ndàit tut bele drit coma natura a comanda. Prima ròba che mia fija a l'ha fàit an soa vita a l'é stàit sbaruvesse na frisa, e lolì as capiss. Ma quand i son anda-ie tacà e i l'hai tacà a parleje ansema (an piemontèis, as capiss) a l'é calmasse, a l'ha 'nbrancame për ël dil marmlin e a l'ha chitala-lì dë pioré. A-j pias ch'i-j parlo ansema. E va bin, a veul dì che adess i-j tambusserai a tute le liste për feme conté le stòrie da conteje a le masnà.
As cambia quand at nass na fija. I savrìa gnanca dive coma, ma as cambia. Combin ch'i fussa strach mòrt i son pa stàit bon a seurte da 'nt l'ospidal e vnim-ne a ca mia fin che a l'han nen fame vëdde andova ch'a l'avìo butala. Mah... la vita a l'é tuta na sorprèisa.
A l'é na-ie Marìa Catlin-a
ma che bela nutisia! Scuseme al me piemonteis scrit ma son prope content!
ciau an basin a tutj tre
Davide
A l'é na-ie Marìa Catlin-a
Compliment a ti e 'ncora 'd pi a tua fomna.
A l'è pròpi 'n bel ratin! (a Coni però a dirìo giari).
It l'has anche na bela vos. I lo chërdo che Maria Catlin-a a l'è subit calmasse, i deurmirìa 'dcò mi con na ninna-nanna così bela. :-))
Ciao e auguri.
karla
La vos a l'é nen mia, ma a
La vos a l'é nen mia, ma a l'é cola 'd Cornajass :) La mùsica a la ven da sò CD, col dla "Companìa dij musicant d'Alba" e la canson a l'é dël 1700. L'arpa a la son-a col barbis d'Enzo Vacca, che 'cò chiel a l'ha pen-a fàit seurte sò CD neuv. Speroma che sòn a-j fasa 'n pòch ëd reclam an pì a tuti :)
Catlin a l'ha sentusse 'n pòch ëd tut quand a l'era ant la pansa 'd soa mari, ma sta canson-sì a l'ha sempe fala balé. E vist ch'a-j piasìa tant i l'oma butajla për nòm. I chërdo che an mia famija a la sia la prima masnà ch'a l'é sërnusse sò nòm bele che daspërchila :)
D'àutra part a l'ha la bìfola ëd cola ch'a savrà fesse rispeté ant la vita, e anlora ch'a la taca pura da sùbit :)
AUGURI'D CHEUR!!!!
AUGURI'D CHEUR!!!!
A l'é na-ie Marìa Catlin-a
Brav Berto it'l'has fait un bel servissi fotografic
a l'è propi n'a bela masna en basin gros a tuti .
Ch'a lassa sò coment ambelessì