Fw: Cors ëd formassion për ij magìster ëd lenga piemontèisa

----- Original Message -----
 Cerea,     I l'oma ël piasì d'anformeve che
l'associassion coltural Ël Sol ëd j'Alp - www.solalp.it a organisa un cors ëd
lenga e coltura piemontèisa an 10 lession second ël programa ch'iv mandoma
sì-tacà.     Ël cors, dont ël but prinsipal a sarà la
formassion dij magìster ëd piemontèis - con n'atension ëspecial a l'area
lenghìstica valsesian-a - a l'é gratùit e duvert a tuti j'anteressà a la lenga
ëd nòstra region e a soa coltura e literatura milenarie.  
  Ël programa a l'é motobin ësgnor e a smon doe lession dzora la
literatura piemontèisa dël Set, Eut e Neuvsent con ël prof. Sergi Girardin
(Sergio Gilardino), vàire rëscontr dzora la gramàtica e grafìa stòrica dël
piemontèis, la stòria dla Valsesia e sò rapòrt con ël Piemont, la didàtica dla
lenga e la letura ëd poesìe an valsesian.     La sede dël
cors a sarà la Biblioteca Comunal ëd Grignasch (NO) an Piassa Cacciami, 10 a
parte dal vënner 25 ëd gëné da 17,30 a 19,30 .    
Sperand ëd vëddve tuti al cors, iv salutoma cordialment  
  Dàvide Filié  për Ël Sol ëd j'Alp