 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Claviere piemontèise
Carià da Bèrto ëd Sèra dël Sab, 14/07/2007 - 16:54.
Cos'é-la mai na claviera? A l'é col afé coj tast ch'i-i bate ansima për scrive :) An italian a la ciamo tastiera. Un-a dle gran-e sòlite për scrive an piemontèis a l'é che a-i van dle litre che ansima a la claviera italian-a a-i son nen e parej un a l'ha da giresse dzorsota për riesse a scrive fussa che mesa paròla.
Gnun problema, a-i é na version ëd la claviera ch'i peule dovré a gràtis pr mostreje a vostra claviera italian-a coma ch'as ëscriv la lenga 'd Giandoja 
A venta mach serne cola ch'av va.
A sconda d'andova ch'i seve, a l'é belfé ch'i l'abie ant sël calcolator ò na claviera italian-a, ò cola american-a stàndard. A-i é na version dla claviera piemontèisa për minca un-a dle doe, an manera che tuti a peulo scrive an piemontèis sensa pa sté-lì tant a sagrinesse.
A resto le mideme ch'a son distribuìe ant la wikipedia piemontèisa, bele che coma spassi fìsich a sio ospità ambelessì. A son ëd programa lìber, ch'a fa nen da manca dë paghé për podeje dovré.
Për dëscariev-je e lese j'istrussion agiornà andé ant sla pàgina a pòsta dla wiki piemontèisa.
Ch'a lassa sò coment ambelessì