 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Vorom-ne dovré la linia d'ambelessì ëdcò për la wiki?
Carià da Bèrto ëd Sèra dël Giò, 20/12/2007 - 16:59.
A-i é la possibilità dë dovré la linia telefònica dël sit http://pms.i-iter.org për lassé che coj ch'an leso an diso chèich-còs a paròle, bele che quand a son nen bon ò a resto genà a scrive. As traterìa dë buté mach ël nùmer (sensa dì che sit ch'a sia) ant la bara a la man drita dj'artìcoj, con l'anvit a ciamé për lassé 'd coment. Nojàutri peuj i soma coma fé a scoté da 'nt ël sit. Parej a resta nen na reclam, ma antant i l'oma na cita manera për fé partecipé la gent.
Ël servissi a resta ativ da stasèira, che i l'oma pen-a passà 'l domini dal servent vej a col neuv, donca as peul nen fesse fin-a ch'a sia passa-ie Natal. S'i veule vardé 'me ch'a resta për sente ij messagi i peule già colegheve a http://pms.i-iter.mobi (version wap për ij telefonin). Se gnun a l'é contra mi passa-ie Natal i lo fom. Chissà mai ch'a sia la vira ch'i riessoma a fesse n'idèja ëd chi ch'a sio coj ch'an leso.
Antra j'àutre... ël nùmer
Antra j'àutre... ël nùmer a travaja già, s'i veule provelo: 011.198.34.213 a l'é ëd Turin e a costa coma qualsëssìa nùmer ëd Turin.
I chërdo che për la gent a sia bel sente la vos dle person-e. A resta pì na ròba viva, e nen mach n'afé da màchine :) E fin-a ciaciaré a fa pì piasì :)
D'acòrd, mach ch'a sia
D'acòrd, mach ch'a sia sigur che sòn an pòrta gnun problema con la sossietà (o fondassion o lòn ch'a l'é) ch'a gestiss la wikipedia.
Però mi im farìa pa d'ilusion an sj'anformassion ch'i pudoma arsèive: për chi a veula lassene un coment a ven motobin pi còmod scrive cheicòs ant le pàgine ëd discussion (an qualsëssìa lenga ch'a sia bon a dovré) pitòst che aussé ël teléfon për din-lo. -- Borichèt
Gran-e nò, fin che as trata
Gran-e nò, fin che as trata 'd na part esterna ch'a fa na donassion d'un servissi e a ciama nen d'esse nominà e reclamisà an cambi a l'é mai ësta-ie gnun problema.
D'ilusion i chërdo 'cò mi ch'a sia pro nen ël cas dë fess-ne. Disoma che mia ampression a l'é ch'a sio an vàire che a scrivo nen përchè ò ch'a l'han nen vàire da dì (gavà "ciào, i son passà da sì") ò ch'as n'ancalo nen për la question ch'a scrivo "mal".
I chërdo che an dontre mèis i dovrìo pro s-ciairé s'a-i é 'd gent ch'an dis chèich-còs ò nò (e se 'd sì, còsa). Mè but a sarìa col dë rivé col temp a 'n chèich-còs ch'an lassèissa organisé 'n censiment dij microtopònim. Riv, dòire, frassion, brich, cassin-e e via fòrt. Ma për fé lolì i l'oma da manca dë trové un canal ëd comunicassion motobin pì còmod che nen col ch'i l'oma al dì d'ancheuj.
Im arcòrdo pì nen se a
Im arcòrdo pì nen se a fussa stàit-je cheich
arsposte a costa email.
Mi i son d'acòrdi.
Ciàu,
Bepe
Ch'a lassa sò coment ambelessì