 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Sìrcoj specialisà
Carià da Bèrto ëd Sèra dël Giò, 27/12/2007 - 21:59.
Un sìrcol a resta un sit andrinta al sit. A l'ha na soa prima pàgina, na soa lista d'utent ch'a son scrivusse al sìrcol e 'n sò gestor ch'a varda chiel coma gestisse ij contnù e j'utent ëd sò sìrcol. A l'é la forma 'd servissi pì andipendenta ch'i podoma smon-e a gràtis.
Un sìrcol a peul 'cò avej na gràfica diferenta da cola dël sit normal, ma s'i veule avej vòstra gràfica a venta ch'iv la fase daspërvojàutri (ò ch'i paghe cheidun për fela). I podoma troveve dij gràfich a bon pat, ma nòstr consej a l'é col d'andé dosman e pensé a spende 'd sòld mach na vira che vòstr sìrcol a sia bin anandià e ch'i sie bin sigur ëd lòn ch'i veule.
Un sìrcol a l'ha mach òbligh dë osservé le condission ëd servissi, e ant coj lìmit-lì soa libertà a l'é completa. As conseja a la gent dë parte da 'nt na solussion pì cita, për esempi na lista postal e/ò 'n boletin, ma cost a l'é mach un consej.
An tute le manere, la gestion d'un sìrcol a ciama nen gnun-e dle fasi complicà ch'a-i son quand un as deurb un sit ant sla Ragnà. An pràtica as trata d'avej an gestion lìbera na sot-session dë 's sit-sì, e quand ch'i seve bon a dovré 's sit-sì la midema ròba a l'é cola ch'i dòvre për gestive 'l sìrcol. Ij sìrcoj pì efetiv (coma ij boletin) a son specialisà dzora 'n pòst ò pura na chèich temàtica particolar.
Ciamé dë deurbe 'n sìrcol a costa gnente e a peulo felo tant person-e sìngole che associassion.
Ch'a lassa sò coment ambelessì