R e L col caplet

Parland ëd caràter, j'ùnich ch'a manco bele daspërtut a dovrìo esse costi-sì. I l'heu fàit na prima indàgin ansima a la question, e ant ël còdes Unicode për ess-ie a-i son pro, coma sìmboj, mach che gnun a l'ha pijasse la gran-a dë dissegneje për le sorgiss ëd caràter.

Coma cost ëd realisassion ël prim preventiv ch'a l'han dame a dovrìa esse d'un dontremila euro për feje (ant na sorgiss sola). La fondassion chèich sòld an cassia a j'ha, e un-a dle ròbe che 'l capìtol ch'a soagna la lenga piemontèisa a l'avrà dë decide a l'é pròpe andoa fé dj'anvestiment. Quindi i son motobin anteressà a savej se la gent a pàira a avej sti caràter ò s'av ësmija ch'a-i sio dle ròbe pì urgente.

La question ëd podej-je gionté a sarìa dzortut còmoda për podej publiché material sensa anventesse sempe dle solussion gràfiche neuve, che a la gent a-j fan mach confusion ant le servele. Comsëssìa a-i resterìo sempe doe limitassion:

1. la sorgiss a sarìa fòra via, visadì che për podejla dovré un a dev dëscariess-la e montess-la ansima a sò calcolador, ch'i soma nen vàire ch'a-i andrà përché le gran asiende a ciapo sù la modìfica e as la buto ant la gran distribussion stàndard.
2. ëd sorgiss a-i në sarà mach un-a, i chërdo arial ò verdan-a, che an tute le manere a son cole pì spantià.

 Coma avantagi i l'avrìo col dë buté a la portà 'd tuti la publicassion an caràter "sòlit", sensa da manca dë paghé na tipografìa për scrive coma ant sij lìber.

 I speto vòstra opinion.