 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Liste postaj
Carià da Bèrto ëd Sèra dël Giò, 27/12/2007 - 21:24.
Na lista postal a la travaja a truch e branca coma 'n Google group. Visadì ch'a-i é n'adrëssa ëd pòsta an comun për vàire gent, quand che un a-j ëscriv a st'adrëssa tuti coj ch'a son scrivusse a la lista as treuvo an casela na còpia dël messagi. S'a veule arsponde, 'cò soa arspòsta a-j riva a tùit, e parej as forma na discussion via pòsta.
Nòstra version a l'ha 'd pì bel che:
- a l'ha gnun problema coj caràter dël piemontèis (quindi basta messagi pijn ëd marche fòra via al pòst dla Ë, È, Ò e via fòrt)
- ij messagi a resto organisà ant le ciaciarade, an manera che coj ch'a passo d'ambelessì (tant utent registrà che anònim) a peulo antërven-e, bele che s'a san nen ch'a-i sia la lista
- la lista a la resta smonùa a tuti nòstr utent, che parej a peulo vnì a savej ch'a-i é
Ciamé na lista postal a costa gnente e a peulo felo tant na person-a sìngola che n'associassion.
Ch'a lassa sò coment ambelessì