La bionda a l'ha campà giù n'anguria sensa pa mastiela

Për pronté la version definitiva d'i-iter a l'é 'nda-ie squasi 6 mèis. I chërdo ch'as ës-ciàira da 'nt ël beucc ch'a l'é resta-ie ant ij contnù. An pràtica, passa-ie le ferie i l'hai pì nen pairà a scrive gnanch na riga ant gnun-a dle version. La question a l'é ch'i soma rendusse cont ch'i l'avìo nen le fòrse e la veuja për butesse a scrive dij programa a pòsta për le lenghe cite. E dzortut che bele che s'i l'avèisso avù le fòrse, cola-lì a la sarìa stàita na stra fòla. S'i voroma esse midem che j'àutri i l'oma d'avej le mideme ròbe ch'a l'han j'àutri. Lòn ch'a l'ha sens a fé a l'é butesse almanch na frisa a la pari con l'anglèis, nen anventesse na riserva dij pelrossa. E parej i l'oma chità lì tute le ròbe fòra via e i somo butasse a monté dle solussion basà ansima a la ròba ch'a dòvro ij "gròss". L'arzultà i 'l l'eve dadnans a j'euj.

Antëcà antant mia fomna a la vnisìa viaman pì gròssa, e l'ampression a l'é sempe dë pì col ëd na bionda ch'a l'abia campà giù n'anguria sensa pa mastiela. Ai va mach pì 5-6 ësman-e, e peuj st'anguria a la vnirà fòra e a la tacherà a gnaulé :) Për adess mi i-j parlo na frisa, ma tra 6 ësman-e is parleroma da bon. I soma an consëgna 'cò con Marìa Catlin-a. Gran-e gnun-e, i l'hai mach d'anandié ij cors ëd part, che ambelessì as cata antra doj, un cogià dafianch a l'àutr.

A l'é nen na costuma dròla, ma la question d'avej na pansa dë scòrta, s'a-i rivèissa mai ch'a venta tajé e as peul nen posesse la masnà ant sla pansa dla mari. S'a-i dovèisso mai feje 'n cesareo, la pansa d'ateragi për Catlin-a a sarìa la mia. Për adess i preuvo che efet ch'a fa con la gata, che a truch e branca 'l pèis a l'é col, contut che na masnà as bogia tut ant n'àutra manera :)

Ant la stansia da let i soma antramentr chi tramudoma tut. A-i va 'l pòst për ël letin, a vente serne 'l mur pì càud, buté l'umidificator... mila ròbe che un-a për un-a a son pen-a normaj, ma butà tute an file a ven-o n'esércit. E i soma pa gnanca ancaminasse... Quindi pì che d'àutr i coro a finì tut lòn ch'as peul adess, che peuj... peuj as fa com as peul.