 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
Coression ortogràfica automatisà
Carià da Bèrto ëd Sèra dël Vën, 21/12/2007 - 07:37.
I l'oma la possibilità dë pronté un trigomiro ch'a cambia le paròle che 'd soèns as ëscrivo cioche con la grafìa giusta. Për esempi:
fait -> fàit
stait -> stàit
e via fòrt. I chërdo che la ròba pì bela a sarìa cola d'avej na tabela dle forme ëd partensa (cioche) e 'd cole 'd destinassion. I peulo ancaminemi a prontela, e i podoma deje acess a la tabela mach a dle person-e con la qualìfica ëd "coretor". Sòn as peul nen fesse ant sël servent dla wiki, che ora che 'l wmf an daga 'l përmess dë felo giré i vnisoma vej, ma ansima a i-iter a-i é gnun problema a butelo.
La question a l'é vàire ch'a podrìo esse ste paròle/forme da buté an sostitussion automàtica. Për parte i chërdo che i l'avròma mach chèich acent coma ant j'esempi, ma s'is la tnisoma an tabela col temp a peul chërse e fene da guida për la compilassion ëd na lista dj'eror pì comun (e gavene da còl vàire travaj aministrativ).
é! bon-a ideja. An sla
é! bon-a ideja.
An sla Wiki-it a l'han, për esempi, un "bot" che a
cambia "perchè" an "perché".
Ciàu,
Bepe
Coression ortogràfica automatisà
Bòn,
Pen-a ch’i l’abia
na minuta ‘d temp im buto a pronté l’antërfacia për Drupal për
carié e aministré la lista ‘d paròle, parej a venta nen amprende a
programé për felo.
Coression ortogràfica automatisà
Mè consèj a l'é d'andé con prudensa e ten-e tut sota contròl, dësnò a
finiss che costi utiss automàtich ansema a dle coression a fan dij dann
che a ven malfé peui buté a pòst. Mach për fé n'esempi, an rampiassand
d'amblé fait con fàit daspërtut, si la paròla a l'é presenta ant ij
tìtoj dij lìber dj'autor fransèis, as anseriss na fota nopà che gavela.
E a-i son tante possibilità 'me costa che a resta nen possìbil da
antivëddie tute. -- Borichèt
Coression ortogràfica automatisà
É... it l'has pro rason 'cò ti. A venta ch'i-i pensa ansima. Tùit ij trigo a peulo giré "suit", visadì ch'a smon-o lòn ch'a farìo, ma a fan gnente. Miraco a ventrìa trové 'n sistema për feje mach ësmon-e na lista 'd coression possìbij, peuj chi ch'a passa a vardé a dis se feje ò nen feje.
Ch'a lassa sò coment ambelessì