Boletin

An anglèis a jë ciamo newsletter, ch'a farà 'cò tant fin a giress-lo an boca, ma a l'é mach sempe la version anglèisa ëd boletin parochial. An pràtica, a l'ha da manca d'un boletin se la forma 'd comunicassion ch'a veul a l'é monodiressional: chiel a scriv, j'àutri a peulo mach serne se lese ò nen lese.

S'a decid dë fé 'n boletin a peul prontess-lo con calma, vardelo e mandess-ne vàire nùmer ch'a veul a n'adrëssa 'd preuva, për vardé s'a l'é tut a pòst. Na vira che sò nùmer a l'é pront a lo manda via, e 'l servent d'i-iter a-i pensa chiel a fé 'l rest.

Ël boletin a resta smonù ant la lista dij nòstr boletin e la gent a la peul ëscriv-se e gavesse com a la veul. Se chiel a l'ha na lista d'adrësse 'd pòsta eletrònica ch'a veul scrive da sùbit ant j'abonà a peul den-la, che j'aministrator a-j la cario. 

Ij boletin për sòlit a van bin s'a-i rivo nen antëcà a la gent tròp soèns. Për sòlit l'efet pì bel a lo fa 'n boletin ch;a seurta màssim na vira al mèis. Ij boletin ch'a l'han pì bel efet a son a tema (che peuj a peul esse tant un pòst che n'argoment).

Ciamé dë deurbe 'n boletin a costa gnente e a peul felo tant na person-a sìngola che n'associassion.