Tut lòn ch'as pùblica ansima a i-iter a l'é publicà sot a la responsabilità ëd chi a l'ha carià 'l material.

La redassion e j'associassion ch'a l'han soe liste e boletin ansima al sit a fan lòn ch'a peulo për fé da filtror a la rumenta, ma se chèich-còs a scapa via la responsabilità a l'é e a resta ëd chi cola ròba a l'ha cariala.

Chi a dòvra ij servissi d'i-iter a peul nen:

• publiché pornografìa (a l'é pì na question ëd cost ëd banda 'd traspòrt che 'd moral, coma ch'as buta na fomna patanùa an passo dzora 20.000 visitator al dì, mach ch'a l'é tuta gent che 'd piemontèis a në san gnente e gnanca a veul savejne gnente, ma che antant a fa tràfich che la fondassion a l'ha da paghé)
• possé la gent anvers a l'antoleransa (pr'esempi, ma nen mach, polìtica, religiosa ò rassial. Pense-la 'n pòch 'me ch'i veule, ma se un veul andé a arzigh d'avej dle gran-e con la lege a l'é mej ch'an manda nen ël cont a nojàutri)
• violé drit d'autor
• publiché 'd material ant na lenga ch'a sia nen cola dl'edission (ant ës cas-sì, ël piemontèis)

Fasend salva la possibilità d'assion legal, ij vàire livej ëd redassion dël sit a peulo scancelé an qualsëssìa moment qualsëssìa ròba ch'a-j ësmija ch'a vada fòra dë sti vìncoj-sì, a sò giudissi. J'utent ch'a séguito a violé le régole a peulo esse blocà a giudissi inapelàbil dla redassion.

Ël material publicà as considera donà a la Fondassion Vox Humanitatis a le condission dla licensa http://creativecommons.org/licenses/by/3.0/ (visadì che la findassion a peul publichelo e distribuilo, ma sempe mach ën disend chi a l'ha carialo).