Message from Dragonòt dragonot@gmail.com

Scond mi, is gavrìo tùit ij problema se i carièisso tute le plance neuve an dzora a Commons. A-i é pa gnun òbligh, ma is gavrìo d'antorn tùit ij rompa-racole che a l'han gnente d'àutr da fé.

 
Peui, si i seve d'acòrdi, i farìa parèj:
--  i analiserìa le plance che a-i é carià fin-a adess, e për cole che a l'han nen spessificà ij drit i na farìa na lista, dividùa për Contributor;
--  peui i-j signalerìa aj Contributor, an la pagina Utent e për email, la lista dle soe plance, anvitandje a buté ij drit d'àutor.
 
Stabilioma peui un temp (2 o 3 meis) d'apress i dovroma scanselé le plance sensa drit d'àutor. Am dëspias, ma i dovroma arcuperé ël passà.
 
Autre ròbe:
--  se i varde ambelessì (http://it.wikipedia.org/wiki/Utente:Snowolf) i vëddreve che miraco a l'é staje cheich problema.

--  se i varde ambelessì (http://it.wikipedia.org/wiki/Wikipedia:Raduni/Caserta_2008_-_Assemblea_Wikimedia_Italia), anvece i veddreve l'organisassion dij nòsti "amis".

 
Ciàu,
Bepe
 
 
 
>----- Original Message -----
>From: "Borichèt" <borichet@gmail.com>
>Sent: Monday, August 18, 2008 2:30 PM
>
>Antlora i l'oma fàit franch bin a adoté na régola s-ciassa ch'a dis ch'i podoma mach dovré le plance ansima a Commons opura cole dont i l'oma ij drit. Përchè an efet (miraco mach për ëd rason colturaj e
>d'educassion piemontèisa: d'àutri as fan e as voto sensa gnun problema dle laj mach për lor) am darìa un pòch fastudi voteme da sol ël drit ëd pijé la ròba dj'àutri.>Borichèt>>>>2008/8/15 Bèrto ëd Sèra <berto.d.sera@gmail.com>:
>> Bondì!>>>> col sòlit rabel ch'a caraterisa la gestion dij drit d'autor dël WMF, adess la Fondassion an ciama d'autodenuncesse. An pràtica: http://wikimediafoundation.org/wiki/Resolution:Licensing_policy A l'han
>> butala coma question ëd desse deuit për rende coerenta l'aministrassion (e an col sens-lì a l'é fin-a na bon-a idèja), ma a resta la facenda che an pràtica la wiki as autodenuncia an butand fòra la lista dle violassion dij
>> drit d'autor che a l'ha 'l but dë fé. E an essend che 'l vot a l'é pùblich as trata a tuti j'efet ëd n'autodenuncia. Për tant che un CHIEL a carìa nen dla ròba an violassion, a l'é sempe un tòch ëd papé andoa a-i é scrit che
>> chiel a l'é d'acòrdi a giute-je a cheidun a violé la legislassion vigenta. >> Përchè gira, tóira e roja, a l'é mach sempe l'equivalent dë tachesse fòra dal finestrin ëd la vitura 'n cartel con scrit ansima: MI IM N'AMBATO DIJ VÒSTRI SEMÀFORO, PALËTTE E CARTEJ QUAND CHE... e giù la lista
>> dj'autoesension.>> Ëd precedent ëd condana a-i në son nen, e ëd sigura i soma an bon-a companìa, se an toco nojàutri a coj dla wiki italian-a a l'han da feje 'n tombin mai pì finì. Però sempe parej la question a resta, për tant che an
>> pràtica i debio nen spitesse ch'a-i riva gnente. I-i penso dzora na minuta e i buto giù në sbòss ëd deuit. Peuj i vardoma tuti ansema coma fé.>> Bèrto