 |
Quatr minute për dì la soa ëd lòn ch'a veul! Ch'a fasa lë 011.198.34.213 e ch'an lassa sò messagi! Ij messagi a ven-o publicà na vira che ij redator a l'abio aprovaje. As pùblica MACH material an piemontèis! Ël servissi a l'é automàtich e a travaja sempe, 7 dì la sman-a, dì e neuit, festa e dì 'd travaj. |
An famija
A l'é na-ie Marìa Catlin-a
Carià da Bèrto ëd Sèra dël Màr, 22/01/2008 - 20:58.
Missignor che giacà caté na masnà :) Comsëssìa, a l'é fàita. Marìa Catlin-a a la sta bin, nojàutri i l'avrìo miraco da manca d'andé an ferie dontre mèis për arpijesse, ma... as peul nen :)
Gioanin Antòni ch'a Lapa la prima supa!
Carià da Cornajass dël Màr, 01/04/2008 - 22:02.Gioanin Antòni a l'ha piait sua prima supa 'd farin-a. A l'ha ancora nen molà la pupa, për carità, ma la l'ha tacà a barbé col cuciarin, come n'òm. Sua mare, la marin-a e 'l pare a j'ero pròpi content. Cost passage a l'ha portà la pas (la paix, an français, Lapé an piemontèis....)...
Ò ciào ciào, Marìa Catlin-a, dom-ie dom-ie na siassà...
Carià da Bèrto ëd Sèra dël Lùn, 31/03/2008 - 07:39.Na masnà a l'é da bon un gran cambiament ant la vita ëd na person-a. Tut d'un colp it tache a lese mila ròbe da médich che it l'avrìe pa mai gnanca lesù an vita toa, it riesse pì nen a deurme ant na manera normal e tut lòn ch'it fase as treuva ciapà antrames a na fila d'antervaj ëd tre ore. Tre ore che peuj a son mach doe, che na vira ch'it l'has prontaje sò làit, ch'it l'has dajlo, ch'it l'has faje fé 'l reucc, ch'it l'has cogiala e ch'it l'has lavà e sterilisà 'l botin dla bagnacàuda... n'ora a l'é bele che volà.
La prima vira ch'as noa...
Carià da Bèrto ëd Sèra dël Mër, 26/03/2008 - 00:31.
Ancheuj Catlin a l'ha ancaminà a noé...
Ùltima carrossin-a për Yuma
Carià da Bèrto ëd Sèra dël Màr, 25/03/2008 - 12:21.
Dle vire a la fa na facia ch'a smija ch'a l'abia già 15 ò 16 agn...
