La spèisa an piemontèis! Ansima a i-iter as peul nen mach ëscrive, lese e scoté le ciaciarade a vos, ma 'cò fin-a fé la spèisa an piemontèis ansima al distributor antërnassional Amazon! Ël 5% ëd tut lòn ch'as cata ambelessì a-j resta a la Fondassion, e an giuta a coaté jë spèise. A fa nen da manca dë fesse n'utent ansima a i-iter për dovré 'l negòssi, la spèisa as peul fesse an forma anònima! Sò dat un a jë da mach al sit d'Amazon quand ch'a passa a paghé. Nojàutri i ciamoma gnun dat përsonal ò 'd carte 'd crédit A GNUN. E ch'a varda che, ën essend ël negòssi-mari fransèis (Amazon.fr), ij lìber nen an fransèis a jë buta ant ij "lìber forest". Bon-a spèisa e ch'a manca pa dë vardé ij lìber consejà da la redassion!!
Servissi d'i-iter
Condission ëd servissi
Carià da Bèrto ëd Sèra dël Màr, 18/12/2007 - 21:50.Tut lòn ch'as pùblica ansima a i-iter a l'é publicà sot a la responsabilità ëd chi a l'ha carià 'l material.
La redassion e j'associassion ch'a l'han soe liste e boletin ansima al sit a fan lòn ch'a peulo për fé da filtror a la rumenta, ma se chèich-còs a scapa via la responsabilità a l'é e a resta ëd chi cola ròba a l'ha cariala.
Chi a dòvra ij servissi d'i-iter a peul nen:
A l'é duvèrt Amazon an piemontèis
Carià da Utent anònim dël Dum, 01/11/2009 - 14:40.Messagi da Bèrto ëd Sèra
Cereja,
Da ancheuj, a l'adrëssa http://pms.i-iter.org/amazon_store
I sper che i-j fareve reclam e che se i pensave dë caté 'd lìber, cosmétich, videogieugh ò film ant sla Ragnà i lo fareve ambelessì.
Licensa:
CC-BY-SA
As peul nen paghësse ël tóiro ...
Carià da Dragonòt dël Màr, 19/02/2008 - 14:57.Mach për signalé che as peul nen paghësse ël tóiro e gnanca un cit cafè, përchè a-i seurt costo eror sì: "In questo momento i conti PayPal in Ucraina possono inviare solo pagamenti. Il destinatario non è autorizzato a ricevere il pagamento". Ciàu, Bepe
Liste postaj
Carià da Bèrto ëd Sèra dël Giò, 27/12/2007 - 21:24.Na lista postal a la travaja a truch e branca coma 'n Google group. Visadì ch'a-i é n'adrëssa ëd pòsta an comun për vàire gent, quand che un a-j ëscriv a st'adrëssa tuti coj ch'a son scrivusse a la lista as treuvo an casela na còpia dël messagi. S'a veule arsponde, 'cò soa arspòsta a-j riva a tùit, e parej as forma na discussion via pòsta.
Nòstra version a l'ha 'd pì bel che:
Boletin
Carià da Bèrto ëd Sèra dël Giò, 27/12/2007 - 21:15.An anglèis a jë ciamo newsletter, ch'a farà 'cò tant fin a giress-lo an boca, ma a l'é mach sempe la version anglèisa ëd boletin parochial. An pràtica, a l'ha da manca d'un boletin se la forma 'd comunicassion ch'a veul a l'é monodiressional: chiel a scriv, j'àutri a peulo mach serne se lese ò nen lese.
