Ìndess dla ròba da scoté

Un tochèt dla coniugassion ch'a l'era restà dësmentià, sempe da Memo.

La coniugassion corispondenta an orbasch, da Memo dij Peròti

I 'ndoma anans a scoté le parlà piemontèise. Karla an mostra la coniugassion dël verb "lavesse" an Seban.

Karla a l'ha ciamane për continué 'l discors ëd Memo. E con sòn as anandia nòstra prima ciaciarada a vos ant sla Ragnà :)

A l'é 'n motobin gran piasì arsèive e publiché na telefonada an orbasch ansima a l'orbasch, da Memo di Peròti. Për chi a lo sa nen, l'orbasch a l'é un parlé ëd transission dj'Apenin, antrames a piemontèis e ligurin. Mancheve nen dë scotelo, tant për la ròba motobin amportante ch'a dis, che për ël piasì dë sente n'acsan e na lenga bej parej. Ën essend che sta telefonada a l'ha dorbù na ciaciarada ëd vàire telefonade, a la ven organisà an "lìber parlà", an manera ch'a sia belfé për la gent ten-e 'l fil dël discors.

Doe paròle për presenté l'associassion

Chèich considerassion ansima a nòstr proget. Chi i soma, 'ndoa ch'i 'ndoma, còs i foma...

Na ciaciarada duvèrta a tuti ansima al proget an general. Feve sente 'cò vojàutri! Dzortut a l'é amportant ch'a parlo coj che pì che scrive a leso. Lòn ch'a pensa al pùblich a l'é motobin amportant. Dine lòn ch'av anteressa.